Leiinga
Frode Danielsen er direktør for Digdir. Leiargruppa består av avdelingsdirektørane for fire fagavdelingar og tre stabs- og støtteområde. Tilsynet for universell utforming av ikt har ei særskilt uavhengig rolle, men tilsynsdirektøren er ein del av leiargruppa.
Frode Danielsen
Direktør
Frode Danielsen har jobba med nasjonale fellesløysingar i 15 år, der han mellom anna har hatt ei sentral rolle i å bygge opp eit sterkt og leveransedyktig forvaltningsmiljø for løysingane. Danielsen er jurist frå Universitetet i Bergen.
Nina Olsen Munthe
Avdelingsdirektør for fellesløysingar
(fungerande sidan november 2022, fast tilsett 25. september 2023)
Nina Olsen Munthe har bakgrunn frå Skattetaten, der ho var avdelingsdirektør for Skattetatens rettleiingsteneste i Vest frå 2007-2016. Ho har leia seksjon for marknad- og tenesteoppfølging i avdeling for fellesløysingar i Digdir sidan 2016. Ho brenn for bruken av fellesløysingane for å forenkle, forbetre og effektivisere offentleg sektor og gjere det enklare for innbyggarane. Munthe Olsen er utdanna jurist frå Universitetet i Oslo.
Espen Sjøvoll
Avdelingsdirektør for samanhengande tenester og livshendingar
(frå 22. januar 2024. Birgitte Yttri fungerte i stillinga til 21. januar 2024)
Espen Sjøvoll har leiar- og digitaliseringserfaring frå Direktoratet for e-helse, Arkivverket, departement og EVRY. Han har vore tonegivande i arbeidet med framtidas arkivering, og han var medlem i Arkivlovutvalget. Han er utdanna Cand. Polit. i samfunnsøkonomi frå Universitetet i Bergen.
Malin Rygg
Tilsynsdirektør i Tilsyn for universell utforming av ikt
Malin Rygg har leia Tilsynet for universell utforming av ikt sidan 2013. Tilsynet har ansvar for å følgje opp forskrift om universell utforming av ikt-løysingar, knytt til likestillings- og diskrimineringslova. Rygg er jurist med erfaring frå blant anna Konkurransetilsynet og har tidlegare jobba som advokat og dommar.
Guri Kaspara Lande
Avdelingsdirektør for digital strategi og samhandling
(frå 7. august 2023. Kjetil Korslien fungerte i stillinga til 6. august)
Guri har erfaring som strategi- og kommunikasjonsdirektør frå Arkivverket, der ho har leia den digitale transformasjonen til Arkivverket. Ho har også har erfaring som konsulent i Capgemini Consulting der ho har vore ansvarleg for fleire prosjekt innan organisasjonsutvikling og digitalisering. Lande er utdanna sivilingeniør i industriell økonomi og teknologileiing.
Sissel Sare
HR-direktør
Sissel Sare har lang erfaring som leiar og HR-direktør frå offentleg og privat sektor. Ho har jobba i Skatteetaten, og som HR- og kommunikasjonsdirektør i Oslo kommune. Sare har også fleire år i finans- og IT-bransjen, i Bluegarden og Gjensidige. Sare har utdanning i psykologi, organisasjon og leiing frå universitetet i Oslo og BI.
Thuan Tande-Pham
Avdelingsdirektør for avdeling verksemdsstyring
(frå 1. februar 2024. Gjertrud Eliassen fungerte i stillinga til november 2023)
Thuan Tande-Pham kom frå Direktoratet for forvaltning og økonomistyring (DFØ), kor han leia avdeling for forvaltning av økonomiregelverket. Tande-Pham er utdanna siviløkonom frå Norges handelshøyskole (NHH). Han har leiarutdanning frå Harvard og ein master i teknologileiing ved NTNU.
Andreas Rafaelsen
Avdelingsdirektør for brukaroppleving og datadeling
Andreas G. Rafaelsen har jobba med utvikling av Altinn sidan 2010 og har hatt roller som arkitekt, løysingsansvarleg, og seinast leiar for utviklingsseksjonen sidan 2018. Han har også fleire års erfaring frå Kongsberg Spacetec, som prosjektleiar og utviklar. Rafaelsen er utdanna sivilingeniør i informatikk frå Universitetet i Tromsø.
Onar Aanestad
Kommunikasjonsdirektør
Onar Aanestad har tidlegare hatt same stillinga i Difi og Statens pensjonskasse. Han har bakgrunn som konsulent frå Gazette og Styrkr, og han har arbeidd for Norges handikapforbund i Midtausten. Aanestad er statsvitar.